Nawng Lung Kawng Ra Kaw Pat Jasan Hpung Ni Bungli Shang

            Dainai Ginra Nawng Lung Kawng Ra mare kaw January 23 ya shani kaw nna hpang n htawm Nawng Lung Kawng Ra pat jasan hpung ni woi awn ai hte shani shagu ka-ni yi hkyen jasan nga ai lam na chye lu ai.

Nawng Lung Kawng Ra mare mayan Ka-ni yi hkai ai masha law wa ai majaw buga mare grup yin jasan jaseng ai hku nna Buga pat jasan hpung,  mare up hkang komiti ni hte,  Naw ku hpung ni owi awn n na mare makau hkan na ka-ni yi Eka (9) jan ram hkyen jasan kau lu sai re, yi madu kadai re ngu hpe gaw tup hkrak n chye lu ai lam na chye lu ai.

N dai zawn hkyen jasan ra ai lam gaw An hte myu ni n dai kani hpe sha n lu shamyit kau lu ai rai yang rawt jat na lam n nga shawng lam hta grai myit tsang hpa re hpe asan sha mu mada ai lam, Nawng lung Kawng Ra mare kaw sha pi Gai da law wa ai hte Asak kaji ai Ramma pang 18ning hte 40 lapran na ni n dai kani a majaw asak si sum ai lam law wa ai, majan hta gaw dai daram hkrat sum ai lam n nga ai hpe mu mada ai lam Nawng Lung Kawng Ra pat jasan amu madu kawn tsun ai.

Nawng Lung kawng Ra maga de pat jasan bungli matut shang sa wa na lam nga ai hte Namti Lambraw yang maga de gaw dai ning laman ka-ni hkai ai lam n nga ai daram re lam hpe na chye lu ai.Ka-ni lu sha, dut sha ai ni hpe rim ahkyak la ai lam mung matut manoi galaw nga ai re lam chye lu ai.

 

Leave a Reply

Your email address will not be published. Required fields are marked *