Mali Ing-Ra Volunteer Group kawn T-Shirt palawng dut nna hpyen yen Mung shawa ni a mtu alu gumhpraw tam

Hpyen yen Mung shawa ni a hkamsha lam hpe shapraw ai hku nna n-ta wa mayu sai nga ai ga si kap ai T-Shirt palawng hpe Mali Ing-ra Volunteer Group ni kawn shapraw nhtawm hpyen yen Mung shawa ni a matu alu gumhpraw tam ai lam chye lu ai.

“Hpyen yen mungshawa ni n ta de wa mayu sai ngu ai shanhte a hkam sha lam hpe shapraw ai hku nna hpyen yen ma ni a hkamja lam hte hpaji lam ni hta akyu jashawn jailang lu na matu yaw shada let ya na zawn T-Shirt palawng hpe galaw shapraw ai re nga nna” mali Ing-ra Volunteer Group na mying n shadawng ai saranum tsun ai hpe chye lu ai.

Ndai T-Shirt palawng ni hpe ya aten Yangon myo kaba ni hta dut shabra nga sai hte ndai bat laman Jinghpaw Mung Myitkyina hkan mung dut shabra wa na re hte T-Shirt palawng langai mi hpe Myen Mung Kyats 8000 hte tsin-yam hkrum ai hpyen yen Mung shawa ni a matu jut mi hku sha pyi garum ai hku nna  mari n’gun jaw la mai ai lam chye lu ai.

Leave a Reply

Your email address will not be published. Required fields are marked *