Myitkyina Kan La hpyen yen dabang hte Pangmati hpyen yen dabang ni hta malu masha yak hkak hkrum nga

Myitkyina Kan  La hpyen yen dabang hte Pangmati Hpyen yen dabang ni hta lai wa sai 2018 December shata kaw nna garum ningtum n du ai majaw malu masha yak hkak hkrum nga ai lam na chye lu ai.

“Kan La hpyen yen dabang kaw Shawng daw de garum jaw ai garum ningtum u hpung ni kadai mung n du ai majaw malu masha ni yak hkak hkrum nga ai hte jawngma ni hpe Boarder tawn da ai hta mung ja gumhpraw mayak ni nga ai” nga nna Kan La hpyen yen dabang na Hpungtau Naw Ye Se tsun ai.

“Myitkyina Pamgmati hpyen yen dabang hta mung December shata kaw nna garum ningtum hpung n du ai, sha na n nga ai majaw ning chyang chyang sa, hkoi lu hkoi sha  ra ai, Hpakant, Pat maw de sa rai nna ja gumhpraw ni tam sha let yak jam jau nga ai” nga nna mung Pangmati hpyen yen dabang na Yaw Han Na tsun ai.

Hpyen yen Mung shawa ni gaw hpyen majan a majaw htawt sit wa ai Mung masha ni rai nna Kan La Hpyen yen dabang hta masha yawng marai 30 jan hte Pangmati hpyen yen dabang kaw masha yawng marai 150 jan shanu shingbyi nga ai re hte hpyen yen masha ni gaw Kasung kaw Myen Hpyen Dap ni htu shadut gasat wa ai a ten hprawng yen wa ai ni re hpe hpe chye lu ai.

Leave a Reply

Your email address will not be published. Required fields are marked *