Manje buga kaw Lungseng Udang kyu hpyi dingshawn poi lamang galaw na

Manmaw Ginwang, Manje buga kaw February 1-2 ya shani Lungseng Udang shagrau poi galaw na lam chye lu ai.

Kawa bum kaw galaw da ai Lungseng Udang hpe Manje buga hpung Kongsi kawn woi awn nna galaw shangut la lu sai majaw Lungseng Udang shagrau poi galaw na re. Lamang hta KBC Ningbaw Rev. Dr. Hkalam Samson hte KBC Amu madu Rev. Hpauyawng Tu Mai yan chyum laika sharin ya ai lamang ni mung nga na re lam Manje buga hkalup hpung a hpung lawk shagu na hpung masha ni kawn Sara Kaba yan hpe magun lit gun jaw na lam mung nga ai re hpe chye lu ai.

“Shawng de Manje buga hpung ni kyu hpyi bum n lu ai re majaw Kawa bum hpe kyu hpi bum galaw na matu masat la nna hpung a kanu kawa ni kawn Lungseng Udang galaw na lam jawm myit mang let galaw hpang wa ai hte ngut kre la lu sai majaw karai kasang hpe chye ju shakawn ai” nga nna Salang Zau Hkam tsun ai.

Manje buga hkalup hpung hta hpung hting gaw (1000) daram nga ai re hpe chye lu ai.

Leave a Reply

Your email address will not be published. Required fields are marked *