100 ning hpring Jaw Masat Shingran hte seng ai zuphpawng galaw

KTCS a Jaw Masat Shingran masing zuphpawng hpe February (9) ya shani KTCS zahpawng Gawknu kaw galaw la lu sai lam KTCS  shiga kaw na chye lu ai.

Ndai hpawng hta Chyum Dakkasu a sharin  shara, nga shara Sara ni a nga nta ni hte seng ai lam, laika hti dum kaba hte seng ai lam ni hpe (100) ning ndu shi ai 13 ning laman chyum hpaji hpe B.Th madang du hkra galaw sa wa na rai nna Jinghpaw program hpe mung sharin hpang wa  na lam, anhte Jinghpaw Wunpawng a myu sha myit sharawt masing  hku nna Scholaship mung jaw sa  wa na lam bawngban la lu sai hpe chye lu ai.

Chyum Dakkasu hta kan bau hpaji  hte seng ai Major 4 nga ai hta major 10 daram bai lu jat bang n htawm  Maigan sara  ni hte sharin ya na re. Ramma ni ndai kan bau hpaji hpe sharin la nna tinang lagaw tinang tsap lu hkra woi awn sa wa na re lam  Academic Dean, KTCS Rev. Dr. Nhkum Zau Gun tsun ai.

Ndai Jaw Shingran Masing zuhpawng hta KTCS Jawng Up, KTCS a uphkang komiti hta lawm ai myit su salang ni hte lata san da ai sharin  Saram Saranum ni marai 10 sa du shang lawm ai lam   hte du wa na February18 ya shani hta  bawngban hpawng bai  matut galaw na re hpe chye lu ai.

Photo; KTCS NN

Leave a Reply

Your email address will not be published. Required fields are marked *