Mali Nmai Zup Hka Madim masing dawm jahkring kau ya na matu shawa n-gun madun woi awn ai Saranum Nhkum Ja Hkawn hpe ari dam jahkrat

Mali Nmai Zup Hka Madim masing hpe dawm jahkring kau ya na matu Jinghpaw Mung kaw nga ai Mung shawa ni shawa n-gun madun ai hta woi awn ai Saranum Nhkum Ja Hkawn hpe tara shawk shawn da ai amu hte seng nna February 11 ya shani Myen Kyats 10000 hte hparan ngut sai lam na chye lu ai.

Saranum NHkum Ja Hkawn hpe Myitkyina, Myen Asuya Balik Du Myint Moe kawn ျငိမ္းစုစီ pukma 20 hte February 7 ya shani tara shawk shawn da ai re hte Ahkaw ahkang nlu ai sha Loudspeaker ni sung lang ai, No Myitsone Dam ngu ka da ai laika si hte tinang a baw kaw gyit shakap nna galaw ai ni a majaw tara shawk shawn ai re nga nna MRJ na Saranum Nhkum Ja Hkawn tsun ai.

Mali Nmai Zup Hka Madim masing gaw lai wa sai U Thing Sein Asuya lak htak kaw nna galaw na matu shakut nga ai hpe Mung shawa ni lang hte lang ninghkap ai majaw gan jahkring da ai re. Ya na Asuya lak htak hta kalang bai galaw na matu masing jahkrat nga ai majaw Mung mare masha ni kawn Asuya Rung tsang hte tsang ninghkap laika tang shawn ai raitim Asuya kaw nna ahkyak nla ya ai majaw Jinghpaw Mung kata nga ai Mung shawa 7000 jan ninghkap ai kaw na woi awn ai Sanum Nhkum Ja Hkawn hpe tara shawk shawn ai re hpe chye lu ai.

Photo; MRJ

Leave a Reply

Your email address will not be published. Required fields are marked *