Myitkyina muklum kata nga hpyen yen Mung shawa ni hpe bai ninghtang wa shangun na matu mying jahpan hta nga

Myikyina muklum kata nga ai hpyen yen dabang shagu na  Mung shawa ni hpe February 8 ya shana de Myen Asuya kaw nna tinang mare buga de ninghtang wa shangun kau na matu bungli shang ai hku nna mying jahpan hta shingyin wa ai lam na chye lu ai.

February 9 ya jahpawt mung mare Salang ni hpang de kalang sa du nna hpyen yen Mung shawa ni mare buga de lawan wa ra ai, mying jahpan lawan sa jaw marit ngu bai sa tsun wa ai majaw hpyen yen Mung shawa ni myit ru myit tsang nga ma ai re.

Hpyen yen ni hte seng ai hkam dahka lam shawng jahkrup bawngban nna she galaw ra na re. Hpyen yen Mung shawa ni a shimlum lam, hpyen yen ni a shawnglam hpe shawng masing jahkrat ai hpang she wa ai gaw grau kaja na re nga nna Kachin Party Pawnghpawm ningtau ningbaw Salang Gumgrawng Awng Hkam tsun ai.

Myitkyina muklum kata na hpyen yen dabang ni hta gaw buga shara shagu hkan na amyu sha ni hpyen majan koi yen shanu shingbyi nga ai re majaw hkyak hkyak tin shapun hkrang shapraw na matu naw yak ai nga nna Mung shawa ni tsun nga ma ai hpe chye lu ai.

Leave a Reply

Your email address will not be published. Required fields are marked *