Hpakant kaw ga gyi ai majaw ye mase la ni asak si sum

Hpakant Seng Tawng, Sabaw mare makau kaw Febr 10 ya shana de hkying 1:00Pm aten hta Ahkaw hkang ladaw htum mat sai Company Lungseng nhkun, Chying hkrap  gyi ru wa nna nhkun dingsa hkan lata hte Lungseng hkan hta ai masha marai 6 kaput lawm mat ai lam na chye lu ai.

Kaput lawm mat ai masha ni gaw, lawu Myen Mung ga de na lung wa ai Maung Sa Aye asak 55 ning, Myo Min Than asak 19 ning, Maung Aik Jai asak 18 ning, Maung Min Zaw asak 32 ning, Zai Than Lu asak 27 ning hte Maung Zai hkan Lai Asak 24 ning ni re lam chye lu ai.

Company kawn htu ngut sai, aten htum mat sai Lungseng nhkun ni hpe gaw bai kaput shara da ra ai re, raitim Asuya kawn mung aten htum mat sai shara ni hpe sa jep chyoi ai lam n nga, Company ni mung majoi mi kabai shakram kau da ai majaw masha asak si sum ra ai re nga nna buga masha langai tsun ai kaw na chye lu ai.

Photo; Credit

Leave a Reply

Your email address will not be published. Required fields are marked *