Nu Maria hpe hkungga shakawn, hkawm gawai akyu hpyi

Laiza Muklum Kahtawlik nawku hpung masha ni Ludda mare kaw Nu Maria dan pru ai nhtoi hpe hkungga shakawn shagrau ai hku nna February 11 ya shana de Muklum kata lam maw kaba hku hkawm gawai nhtawm akyu hpyi ai lam galaw ai hpe chye lu ai.

Nu Maria hpe hkugga shagrau ai poi hta Muklum kata lam hkawm akyu hpyi ai lam gaw Laiza muklum kata dingbai dingna hkala nba lam ni yawng hkoi tsai na matu hte simsa wa u ga matu, Wa Jau hte Sara Saranum ni kawn woi awn nna Kahtawlik hpung masha 390 jan shanglawm akyu hpyi ai re.

Nu Maria hpe hkungga shakawn shagrau ai akyu hpyi hpawng lamang hpe February 11 ya shani shaning shagu Mungkan ting na Kahtawlik hpung masha ni hkungga masat masa galaw nga ai re hpe mung chye lu ai.

Leave a Reply

Your email address will not be published. Required fields are marked *