Ginjaw Ginra Jarit Mayan hpyen yen ramma sharin hpawng hte seng nna bawngban hpawng galaw

Laiza muklum, Laiza Hotel zuphpawng gawk kaw Ginjaw Ginra Jarit mayan hpyen yen ramma sharin hpawng galaw na hte seng nna February (14) ya hte February (15) ya, 2 ya tup bawngban hpawng galaw ai lam nga ai re.

Sharin hpawng lamang hpe April 15-20 ya laman Sha-it Yang hpyen yen dabang kaw galaw sa wa na lam bawngban ai lam nga ai rai nna, Shara hte aten hpe seng ang ai ni hpang de ahkaw ahkang hpyi shana ai lam naw galaw sa wa na re nga nna Ginjaw Ginra Jarit Mayan hpyen yen ramma (GJHR) a ningbaw Rev. Tu San Awng tsun ai kaw na chye lu ai.

Bai nna zuphpawng hta hpyen yen ramma ni a shawnglam shingran ni hte byin mayu ai lam ni hpe bawngban ai lam nga ai rai nna, aten kadun kan bau magam bungli sharin ai wunkat kadun ni hte seng nna mung bawngban ai lam nga ai hpe chye lu ai.

Bai nna GJHR kawn Shingni Nbat ni hte ta gindun matut mahkai nna jarit mayan hpyen yen dabang de na hpaji tsang 2 awng sai jawngma ni hpe jawng dat ten laman Myitkyina kaw Summer Course program ni lung lu na matu galaw nga ai hta dai ning kaw na hpang sa wa na lam nga ai hpe mung na chye lu ai.

Bawngban hpawng hta sa du shanglawm ai ni gaw Lana Zup Ja, Bum Tsit Pa, Nhkawng Pa, Masat Shadaw 6, Masat Shadaw 8, Hkau Shau, Sha-it Yang, Pa Jau, Woi chyai, Nawng E Hku, Je Yang, Hpung Lum Yang hte Dung Bung hpyen yen dabang ni kaw na ramma hpu-awn ni marai 30 jan sa du shanglawm bawngban ai re.

2 ya tup bawngban ai lam hta sumtsan de na du sa ai ramma hpu-awn ni hpe ra mara hku nna KDG garum ntum wuhpung wuhpawng ni kawn garum madi shadaw ai hte hpawng lamang hta shanglawm bawngban hpaji jaw ai re hpe mung chye lu ai.

Leave a Reply

Your email address will not be published. Required fields are marked *