KIA Masat (8) Dap Dung ginra kaw gasat gala byin

KIA Masat (4) Dap Ba, Masat (8) Dap Dung ginra, Kaleng Ginwang Daw, Namsum Bum maga de Marach 6 ya shani hkying 1:30Pm daram hta Myen Hpyen Dap Dap Nu (99), Hk.L.Y (45) hte Hk.L.Y (69) na pawnghpawm hpyen hpung ni shamu shamawt lung wa ai majaw KIA hpyen hpung ni hkap shingla gasat dat ai kaw na gasat gala byin ai lam na chye lu ai.

Myen Hpyen Dap ni 2018 December 21 ya shani lamu ga man manga hpyen shamu shamawt lam shata 4 gan jahkring da na ngu tara shang ndau da ai rai tim laknak lang rawt malan hpung ni a ginra de hpyen shamu shamawt ai lam dingyang naw nga ai majaw ya na zawn gasat gala byin wa ai re.

February 20 ya shani hta mung KIA Masat (6) Dap Ba, Masat (9) Dap Dung ginra, Kuthkai Ginwang, Nam Ngawn Ninghtawn Bat Zut Hkyet hte Miwa Bang Hka lapran kaw Myen Hpyen Dap Dap Nu (88) kata na hpyen hpung ni hte KIA hpyen hpung ni gasat gala byin nna Je Len Ninghtawn, Nam Hkam Bum sinpraw maga Kawng Wai makau kaw mung Myen hpyen hpung hte KIA ni ang katut gasat gala byin lai wa sai re hpe chye lu ai.

Leave a Reply

Your email address will not be published. Required fields are marked *