La ningbaw ningla sharin hpawng galaw

Myitkyina, Shalom Simsa ginra kaw galaw ai Sama ginwang a KBC La ningbaw ningla sharin hpawng hpe March 8 ya shani galaw ngut kre la lu sai lam na chye lu ai.

Sama ginwang La Komiti kawn woi awn nhtawm hpawng lamang hpe galaw ai rai nna sut masa hte seng ai lam hpe Sut  Du Nhkum Tawng La, ningbaw ningla hpaji hpe Sama ginwang Amu madu Rev. Nbwi Htoi San sharin ya ai re hte hpyen yen nga ai ni kaw nna mung chye mai, chye ging ai ni, nawku hpung hte tinang a hkalup makam hte maren dinghku hpe woi awn ra ai ngu ai lam ni hpe KBC ningbaw Rev. Dr. Hkalam Sam Son kaw nna sa du sharin ya ai re hpe chye lu ai.

Ndai zuphpawng hpe Sama ginwang buga shagu na hpa-awn shara kaw lit la nga ai Kawa La ni kawn tinang galaw ra ai lit hpe chye myit chye mang nna chye woi galaw sa na matu yaw shada let galaw ai re nga nna Sama ginwang La komiti hpa-awn Rev. Labang Naw Lawn tsun ai hpe chye lu ai.

La ningbaw ningla sharin hpawng hpe Sama ginwang buga 23 na hpa-awn shara kaw lit la nga ai Kawa La ni hte hpyen yen dabang hkan na Kawa La ni marai 50 daram sa du sharin hkam la ai re hpe chye lu ai.

Leave a Reply

Your email address will not be published. Required fields are marked *