Mungmyit Sinli ginra kaw Myen Hpyen Dap hte KIA gasat gala matut manoi byin nga

Mungmyit Sinli Ga ginra ni hta March shata praw kaw nna Myen hpyen hpung ni laja lana bai shamu shamawt shang wa ai majaw gasat gala majan ni matut manoi byin nga ai lam na chye lu ai.

KIA Masat (6) Dap Ba, Masat (9) Dap Dung ginra, Nawng Hkoi Bum lagaw maga hku shamau shamawt shang wa ai Myen Hpyen Dap Dap Nu (99) kata na hpyen hpung ni hte KIA hpyen hpung ni March (12) ya jahpawt hkying (9:30)Am daram kaw nna shana daw hkying (6:30)Pm daram du hkra numdaw (4) lang gasat gala byin nna March (13) ya jahpawt daw kaw nna mung gasat gala ni bai byin nga ai lam na chye lu ai.

March (11) ya shani hta mung KIA Masat (4) Dap Ba, Masat (8) Dap Dung ginra de Myen Hpyen Dap Hk.L.Y (45), Hk.L.Y (69) hte Dap Nu (99) kata na pawnghpawm hpyen hpung ni Namhpakka ginwang kata na KIA hpyen hpung ni nga ai ginra de htu shadut lung wa ai majaw Nawng Pa hte Nawng Hoi lapran kaw gasat gala byin ai rai nna dai Myen hpyen hpung ni gaw lai wa sai March (6) ya shani Nam Sum Bum kaw KIA hpyen hpung ni hte gasat gala byin lai wa sai re hpe chye lu ai.

Leave a Reply

Your email address will not be published. Required fields are marked *