2nd lang na KBC Lhaovo chyumga gale sub komiti magam gun nnan lata san ai zuphpawng galaw

2nd lang na KBC Lhaovo chyum ga gale ai sub komiti mu gun nnan lata san shatsam zuhpawng hpe March 15-16 ya laman hta KBC Laili Laika Hte Htang Dip Magam Dap Komiti ni kawn woi awn nhtawm Waingmaw Mukchyik kaw galaw na re lam chye lu ai .

Zuphpawng hpawng lamang hpe March14 ya shani manam zup nhtawm buga  shagu na hpung masha ni gun sa ai shat lit ni hpe mung hkapla kyu hpyi shaman ya na lam hte buga ginwang shagu na ka hkrang ni hte shingjawng lamang ni mung galaw sa wa na re hpe chye lu ai.

“March 15-16 ya hta KBC Lhaovo hpung kata ra ai amu ni hpe bawng ban nhtawm sub komiti magam gun nnan lata shatsam ai lam ni galaw sa wa na re. Shana aten hta mung laili laika hte aga manu dan ai lam ni hpe sharin ai lamang, Lhoavo yu ngwi ninghkring ni kawn shangwi shapyaw atsam madun ai lamang ni hte gamung lanya ni hpe mung galaw sa wa na re” nga nna KBC Laili Laika Cyhumga Gale Komiti amu madu Rev. Lawwai Ze Hawng tsun ai.

Ndai zuphpawng hta lawu ga Sammung, Yangon, Mandalay, Jinghpaw Mung hte Maiga Mungdan shara shagu kaw du nga ai KBC shingwang kata na hpung masha ni yawng hpe saw shaga da ai re hpe chye lu ai.

Leave a Reply

Your email address will not be published. Required fields are marked *