Chihpwi hpyen yen dabang camp (2) kaw tsi mawan ra kadawn nga

Chihpwi hpyenyen dabang camp (2) kaw lai wa sai bat laman kaw nna hpyen yen Mung mare masha ni machyi makaw byin hkrum ai lam law wa ai raitim tsi gawn lajang na matu dabang kata tsi mawan nhkum ai hte tsi gawn lajang ya na sara saranum nlaw ai lam dabang up Salang Htaw Hkawng tsun ai kaw na chye lu ai.

Hpyen yen Mung mare masha ni hta du hkra ladaw galai ai aten ni hkan shaning shagu kan mase ana ni byin nga ai rai nna langai hte langai dum nta ni kahtep ai majaw ana lawan nmai hkraw ai sha bai kap bra, machyi masha law wa ai re. Chihpwi grup yin hta machyi masha ni hpe jaw na tsi mawan mung nnga ai mayak ni hkrum nga ai nga nna dabang up matut tsun dan ai.

Chihpwi hpyen yen dabang gaw Lai wa sai 2012 shaning December shata kaw nna nga ai rai nhtawm dai hpyen yen dabang hta mare 17 na masha marai (800) jan shanu shingbyi nga ai re lam hte jawngma marai 300 jan nga ai re lam chye lu ai.

Leave a Reply

Your email address will not be published. Required fields are marked *