Mungmyit Sinli ginra Wunpawng Mung Shawa ni Mung Masa Party hpaw shabawn na matu bawngban hpawng galaw

Mungmyit Sinli Ga ginra hta Wunpawng Mung Shawa Party langai hpaw shabawn sa wa lu na matu buga hpung masha ni, hpung kata na ningbaw ningla ni shanglawm rai nna ningmu jahpaw ai lam hpe March 17-18 ya laman galaw ai re hpe chye lu ai.

Party hpaw sa wa ngu ai hta Mung shawa a myit hkrum lam gaw grau ahkyak ai re majaw Mung shawa a myit ra la ra na re. Ya na zawn Mung shawa kata na Amyu Sha Party langai hpaw na matu byin wa ai lam gaw Mungmyit Sinli Ga ginra nga ai Wunpawng amyu sha ni a amyu sha lam yan nnga, hpung lam nnga ra ai lam shagu hpe tsun ahkaw ahkang nau n nga ai majaw Asuya hte Mung masha lapran Rapdaw langai nga ra ai ngu yaw shada ai lam re hte party kaw woi awn na masha ni hpe mung Mung shawa lata ai ni hpe san sa wa na re lam party hpaw na matu woi awn ningshawng komiti na ningtau amu madu Waje Nan Shawng Tsun ai.

Mung Masa Party hpawng sa wa ai hta Mung masa galaw nga ai ni, Tara Kasa ni, hpung hkan na myitsu kanu kawa ni, hpaji ninghkring ni hte ta gindun hpaw shabawn sa wa na masing nga ai lam, Ningmu jahpaw hpawng galaw ai hta Party langai hpaw shabawn sa wa ai hta kaning re ai lawnglam ni hte hpring tsup ra ai ngu ai lam ni hpe sanglang dan na matu hpaji ninghkring ni hpe saw shaga la nna bawngban ai re lam, matut nna mung Mung Masa Party hpaw shabawn sa wa na lam hte seng nna ginra hte ginra kaw ningmu jahpaw ai lam ni galaw sa wa na re lam Party hpaw na matu woi awn ningshawng ai Komiti ni shana wa ai kaw na chye lu ai.

Leave a Reply

Your email address will not be published. Required fields are marked *