Rawang ramma ni hpe ningpawt ninghpang music hpaji sharin ya

Rawang ramma ni hpe Shingni hpung ni woi awn nhtawm ningpawt ninghpang Music hpaji sharin ya ai lam Myitkyina Njang Dung mare kaw Marach 18 ya shani kaw na hpaw sharin nga sai lam na chye lu ai.

“Rawang ramma ni gaw Mungkan ting lang ai Staff note ngu ai hpe nau nchye wa ai, shanhte a kata hkan jai lang ai lam ni mung nnga wa ai hpe mu lu ai. Amyu sha ni Mungkan madang lang ai Staff note hpe chye ai rai yang she madang nga ai Shingni Mungkan de lahkam lu na re majaw ya kaba wa ai Ma ni gaw Staff note hpe chye yu, chye lang nna tsaw ai hpaji hpe sharin la lu na mayu yaw shada ai re” nga nna Rawang Shingni hpung ningbaw Sara Karu Zeng tsun ai kaw na chye lu ai.

Ya aten Rawang ramma ni hpe Sara Ah Ba Ong kaw nna Music hpaji hpe sharin ya nga ai hte sharin hkam la ai ram yawng marai 30 jan rai nna April 12 ya shani hkra sharin sa wa na re hpe chye lu ai.

Leave a Reply

Your email address will not be published. Required fields are marked *