Manli mare masha ni yi sa lam kaw bawm kabye kapaw la

Sam Mung ginra Manli mare na Mung masha ni March 30 ya jahpawt Yi sa lam kaw gara uhpung ni hkam da ai re nchye lu ai Bawm kabye kapaw la nna marai 3 asak si sum mat ai hte marai 4 gaw hkala hkrum mat ai lam chye la ai.

Hkala hkrum ai marai 4 kaw nna marai langai gaw hkala sawng ai majaw Lashio tsi rung de matut sa da sai raitim hkala ningma sawng ai majaw Mandalay tsi rung de matut sa da sai rai nna ngam ai marai 3 gaw Di Baw tsi rung kaw naw re lam garum ningtum galaw nga ai Nay Si Machya Hpung (နယ္စည္းမျခား) ni tsun ai kaw na chye lu ai.

Gasat gala majan zim taw ai majaw mare masha ni yi sun galaw lu galaw sha ra ai re, raitim ya na zawn bawm hkam da ai lam ni a majaw mare masha ni nbyin ging ai mabyin ni byin nga ai re. Ya aten mare masha ni yi sun hkau na galaw lu galaw sha na lam hta mung lam shagu hta  hkrit tsang nna yak hkak hkrum nga ai lam mung tsun dan ai.

Sam Mung ginra Manli mare makau hkan gasat gala majan jahkring hkring naw byin nga ai majaw Manli mare masha ni Di Baw myo de hprawng yen nga ma ai re. Majan zim ai ten mare de Yi sun galaw lu galaw sha na matu hkawm sa nga ai kaw ya na zawn bawm kapaw hkala hkrum ai lam ni jahkring hkring byin nga ai re  hpe na chye lu ai.

Leave a Reply

Your email address will not be published. Required fields are marked *