Myen Mung na tara n shang htaw shalai ai gunrai ni hpe Miwa Asuya hkum pat

Myen Mung hte Miwa Mung jarit rai nga ai Muse kaw tara n shang ai gunrai htaw shalai ai lam hkum pat da ai majaw jarit sut hpaga lam ram ram hkra machyi nga ai hpe na chye lu ai.

Myen Mung kaw nna Miwa mung de htaw shalai bang ai hpaga gunrai ni hpe lai wa sai 2018 shaning hpang daw maga kaw nna tara n shang gunrai htaw shalai bang ai lam hpe Miwa Asuya kawn hkum pat da ai majaw sut hpaga lam Doller wan kaba hkrat sum wa ai re hpe na chye lu ai.

Miwa Mungdan maga kaw nna gunrai hpaga N-gu, Hkainu, Shapre, Dumsu, Wuloi, htaw mado ni hte kaga Gun rai hpan amyu myu hpe hkum pat kau ya ai majaw sut masa ram ram sum machyi ai hte Myen amyu ni a shaning nnan Hka jaw poi du ni wa ai majaw mung lawm na re nga nna Muse shinggyim garum ningtum hpung Ningbaw U Tawng Htun tsun ai.

Muse deng (105)  shagyit gaw Myen mung a gunrai htaw shalai ai shagyit kaba langai rai nna Myen mung jarit Sut hpaga lam grau kaba dik ai shara re hpe Shi chye lu ai.

Leave a Reply

Your email address will not be published. Required fields are marked *