Jawng Up Ni Hpe Hparan Hpareng Ladat Wunkat Jaw

Sinpraw Ginwang Ginjaw Mai Ja Yang lahta tsang jawng kaw March (26) ya shani kaw nna April (5) ya shani du hkra KIO Asuya hpaji Jawng ni rai nga ai, Sinpraw Ginwang Ginjaw kata na jawng up ni, Sinna Ginwang Ginjaw,  Sinpraw Dingdung Ginwang Ginjaw, Dingda Ginwang Ginjaw kata na jawng up ni hpe hparan hpareng ladat wun kat galaw la lu sai  lam chye lu ai.

KIO Asuya Jawng ni hta Jawng Up galaw nga ai Jawng Up ni gaw laika sharin ai lam, hparan hpareng ai lam, jawng kata tatut bungli masing ni hpe hkrang woi shapraw ai lam ni hta awng dang na matu yaw shada ai lam Ginjaw Hapji Dap Ningtau Amu Madu Sara kaba Lahtaw Zau Hkyen tsun ai.

Wunkat hta Ningtau Ninggawn Amu madu Salang Kakba Labang Doi Pyi Sa kawn Ninggawn mungmasa, Mai Ja Yang IED Jawng Up Sara Kaba Nnye La Raw kawn Education Administration, Sara Num Kaba Saw Shwe Bu kawn Gender And Disability hte Positive Discipline ga baw ni hpe sharin ya nna rung hkridun lam, jahpan chyarang hte seng ai lam ni hpe woi hkaja, ningmu jawm shabung ai re hpe chye lu ai.

Mai Ja Yang kaw galaw ai Jawng up ni a ningja jat wunkat hpe KIO Asuya jawng up hte, Jawng up tang hkyen ai ni yawng marai (37) ram sa du shang lawm ai re hte n dai Wunkat hpe KIO Ginjaw Laiza Muklum kaw mung galaw ai rai nna dai wunkat hta Dingdung Ginwang Ginjaw kata na jawng up ni, Hpaji Du ni, Ginjaw Ginra Ginwang Ginjaw kata na jawng up ni, Laiza Ginwang kata na jawng up ni shawng lawm let sharin la lu sai lam chye lu ai.

Leave a Reply

Your email address will not be published. Required fields are marked *