Sara Num Nang Pu Hkyuk Htawng Kaw Na Lawt Pru Wa

Chyat rawng nga ai hpyen yen mungshawa ni lawt pru wa lu na matu Simsa ai ladat hte n gun madun hpyi shawn ai kaw woi awn ai majaw Myen hpyen dap kawn Hpyen dap shari jahpoi ai amu hte tara shawk shawn da ai majaw htawng jahkrat hkrum ai Sra Num Nang Pu gaw April (5)ya Jahpawt Myitkyina hkyuk htawng kaw nna lawt pru wa sai lam chye lu ai.

Ya na zawn lawt wa lu ai majaw kabu ai,Hkyuk htawng kaw nga ai aten hta htawng masha ahkaw ahkang tawt lai ai lam ni mung hkrum katut ai lam, htawng kaw na lawt pru wa sai re majaw matut nna amyu sha lam yan shinggyim ahkaw ahkang hte Num La maren mara ahkaw ahkang, Hpyen yen mung shawa ni hte seng ai lam ni matut galaw sa wa na re hpe tsun ai.

Majan a majaw Jam Jau hkrum ai amyu sha ni hte seng nna tsun shaga ai majaw Ya na zawn sharen da hkrum ai lam gaw  jahkrit shama ai lam sha re, Hpang de ndai zawn re ai lam ni nbyin hkra amyu sha ni yawng myit hkrum ai hte jawm galaw sa wa ra ai lam Sara Num Nang Pu tsun ai.

Sara Num Nang Pu, Sara Lum Zawng ,Sara Zau Jat ni hpe Myen Hpyen dap hpe shari Jahpoi ai amu Pukma 500 hte 2018 December( 7) ya shani htawm dam shata Kru, Gumhpraw sen Dam 5 ngu amu daw dan hkrum ai re , 2019 January shata hta Sara/Sara Num  masum a amu mang hkang hpe mungdaw Tara rung kaw bai tang shawn da ai hta Sara Nang Pu hpe Hkamja lam n nga ai majaw March(29 )ya shani htawng dam shata lahkawng bai shayawm kau ya ai re hpe chye lu ai.

Leave a Reply

Your email address will not be published. Required fields are marked *