Shan Hpyi Laika Mungding Gamung Dup Sumrat hpawng galaw

Myitkyina, Kachinland SAS, Humanity Institude KSAS kaw  April (5) ya shani Shan Hpyi laika lam hte seng nna Mungding gamung dup sumrat ai hpawng galaw ai lam chye lu ai.

Shan Hpyi laika lam hte seng nna sharin let woi bawngban ai Zuphpawng hpe KSAS Jawng kawn woi awn n-htawm Jinghpaw amyu sha ni gaw moi kaw nna Shan hpyi laika lu ai re hte shan hpyi laika ngu ai a lachyum hpe chye shangun mayu ai majaw re nga nna Tanghpre buga hpung magam gun Rev.Bawk San tsun ai.

Shan hpyi laika a lam hpe ntsun dan ai majaw ya aten Wunpawng ramma ni shan hpyi laika a lam n chye mat sai re, dai re majaw Wunpawng ramma ni hpe Shan hpyi laika a lam tsun dan lu yang grau kaja na re hte tsun dan lu yang she moi na ji woi ji wa ni a myit sawn ai lam ni, gara hku sak hkrung lai wa ai lam ni, manau nau ai lam ni, Num wawn Numla ai lam ni hpe grau chye wa na re majaw Shan hpyi laika a lam shara shagu na ma ni hpe tsun dan ra na re nga nna Sara Kaba kawn shi a mu mada lam hpe tsun ai.

Shan hpyi laika a lam sharin ya let bawngban hpaji jaw ai lamang hta KSAS jawngma ni marai (100) daram sa du sharin bawngban lawm ai lam chye lu ai.

Leave a Reply

Your email address will not be published. Required fields are marked *