Sam Mung Dima mare kaw Myen Hpyen Dap ni Mung mare masha ni kaw malu masha hpyi sha hkawm nga

Myen Hpyen Dap Dap Nu (99) kata na hpyen hpung ni Kuthkai ginwang Dima mare kaw April 7 ya shani du shang wa nna Mung mare masha ni a U, N-gu malu masha  ni hpe hpyi sha nga  lam na chye lu ai.

“Mare kata kaw hpyi sha nga ai gaw masum ya ram rai wa sai hte mare masha ni a U, N-gu malu masha ni hpyi sha, njaw sha na zawn re yang pawt pawt nga tsun daru wa ai lam ni gaw nga ai, atik anang lagu sha ai lam ni gaw garai n nga shi ai, aten na wa yang gara hku masa rai wa na hpe n chye ai” nga nna mare masha langai tsun ai.

Di Ma mare kaw lai wa sai ten Myen Hpyen Dap kawn  laja lana re ai hpyen shamu shamawt  ai lam gaw n nga ai, ndai lang gaw shawng ningnan lang re majaw dai ginra ni hta gasat gala majan ni byin wa na hpe mung mare masha ni myit tsang nga ma ai re hpe na chye lu ai.

Leave a Reply

Your email address will not be published. Required fields are marked *