5th lang na Ginjaw Ginra Ginwang Ginjaw Jarit Mayan Hpyen Yen Ramma (GJHR) Sharin Bawngban hpawng galaw nga

Laiza, Alen Bum hpyen yen lahta tsang jawng kaw 5th lang na ginjaw ginra ginwang ginjaw jarit mayan hpyen yen ramma sharin bawngban hpe galaw nga sai lam chye lu ai.

Sharin hpawng gaw April 8-13 du hkra rai nna sharin hpawng hta KIO Ginjaw Salang ni kawn ramma hte shawnglam hpaji, Ramma hte Mung masa lam ngu ai gabaw hpe sa du sharin woi hkaja na rai nna IRRC kawn tara upadi hte seng ai lam, yu-ngwi ninghkring Ah Tang, Aong Lar, Ah Ze hte Nor Ni ni hku nna mahkawn sharin ya na re hte Rev. Marip Bawk San kawn Ginru ginsa labau hte seng ai lam woi hkaja na re hpe chye lu ai.

Sharin hpawng hpe “Tinang lagaw tinang tsap, lahpa galai lit la gwi ai ramma ngu ai pandung tawn da ai rai nna yaw shada ai lam gaw dabang shagu na ramma ni  mahkri shawn katsi yu la hkat lu na matu, shingan de mahkrum madup nlu sharin hkaja la lu ai ramma ni a matu Mungdan a kanu kawa, Sara ni hpe shaga la nna hkrum zup ya ai lam rai nna Myu hte Mungdan hpe tsawra let manu shadan shanglawm gwi ai ramma ni tai na matu yaw shada ai re” nga nna GJHR ningbaw Rev. Dingsi Tu San Awng tsun ai.

Ndai sharin hpawng lamang hta hpyen majan a majaw hprawng yen nga ai Jarit mayan shagu na ramma ni hte kaga laksan hku nna du sa ai ramma ni yawng 970 sa du sharin hkam la nga ai re hpe chye lu ai.

 

Leave a Reply

Your email address will not be published. Required fields are marked *