Gaw Ningja hpung ni galaw shapraw ai gun rai ni hpe dut shabra nga

Mungmyit Sinli Kuthkai kaw NeT Organization ni kawn woi awn nhtawm Gaw Ningja masha ni hpe sharin ya ai gun rai ni hpe dut shabra sai lam chye lu ai.

Ndai gun rai ni hpe lagaw lata daw hten ai majaw kaga bungli shaja n lu galaw ai Kuthkai ginwang kata na Mung shawa ni hpe lata hpaji langai ngai sha pyi chye lu na matu Ka hpan amyu myu hpe galaw sharin ai re rai nna ya aten galaw shapraw da lu sai gun rai ni hpe ra ai makyin jinghku kahpu kanau ni hpe dut shabra ya nga ai re lam Sara Hkawng Dau tsun ai.

kaga bungli shaja galaw na matu n gun atsam n nga ai Mung shawa ni hpe lata hpaji hapaw sharin ya nga ai shata mi jan rai sai re. Ya ten sharin hkamla nga ai masha marai (10) re hte lata hpani ni hpe grau kungkyang wa hkra matut galaw sharin rai nna ndai gun rai ni hpe Kuthkai lawk (8), Ph. No. 09893412452 kaw matut mahkai htet la mai sai re.

Leave a Reply

Your email address will not be published. Required fields are marked *