Jarit mayan hpyen yen sharin bawngban hpawng galaw ngut

Ginjaw Ginra Ginwang Ginjaw Jarit mayan hpyen yen ramma sharin bawngban hpawng kaba hpe April (9-12) shani du hkra Dumhpawng zup, Alen Bum Hpaji Jawng kaw a ngwi a pyaw hte galaw la lu sai re hpe chye lu ai.

Ndai sharin hpawng hta Ramma ni chye la mai ai Ginru Ginsa labau, Ramma hte shawng lam hpaji, Simsa lam ngu ai Ga baw ni hpe madung sharin ya ai rai nna, Ramma hte Hpaji ngu ai ga baw hpe Wunpawng Mungdan Shanglawt Kongsi Ningbaw Malai (I) Du kaba Sumlut Gun Maw sa du sharin ya ai re.

Hpawng hta sa du ai ni gaw Laiza Muklum, Woi Chyai IDPs, Nawng E Hku, Je Yang IDPs, Hpum Lum Yang IDPs, Mung Seng Yang, Ja Htu Kawng, Dum Bung IDPs, Hkau Shau IDPs, Maga Yang IDPs, Sha-it Yang IDPs, Pajau , Masat Shadaw (6), Masat Shadaw (8), Pa Kahtawng IDPs, Mai Ja Yang Jarit mayan shagu na ramma ni marai (1000) Jan sa du shang lawm ai lam chye lu ai.

Jahpawt Shana mahkawn ni hpe yu ngwi ning hking kaba rai nga ai Ah Ze, Ah Tang, Nor Ni hte Aong Lar ni kawm sa du sharin ya ai rai nna Group hte Group Gawdin shingjawng ai lam Num/La Futsal ginsup ai lam ni mung nga ai re hpe chye lu ai.

Leave a Reply

Your email address will not be published. Required fields are marked *