Myen Hpyen Dap Tatma (99) ni Nawng Ing mare masha ni hpe jahkrit shagyeng hkawm nga

Mungmyit Sinli Ga Dima mare makau Nawng Ing mare kaw Myen Hpyen Dap Tatma (99) kata na hpyen hpung ni mare masha ni hpe jahkrit shagyeng let malu masha ni hpyi sha hkawm nga ai majaw Mung mare masha ni hkrit tsang nga ai lam na chye lu ai.

Tatma (99) kata na hpyen hpung ni gaw April 7 ya shani hta mung Dima mare kaw ya na zawn Mung mare masha ni hpe jahkrit shagyeng malu masha ni hpyi sha ai lam galaw ai hpang April 9 ya shani  Nawng Ing mare de bai du shang wa ai re nga na buga masha langai shana wa ai.

Nawng Ing mare gaw mare nnan re hte lai wa sai ten Myen Hpyen Dap ni du shang wa nna malu masha atik anang shagyeng hpyi ai lam ni galaw lai wa sai re. Mare kaw gaw Miwa Lunghtang P.T.TS ni nga ai re.

Myen Hpyen Dap ni a shamu shamawt ai lam ni hpe yu yang hpyen masa shuk shanut wa na hpe mung Mung mare masha ni myit tsang nga ma ai. Masa hpe maram yu yang Hka Jaw Poi ngut ai du hkra gaw ya na zawn sha mare hkan nga hkawm na masa re, Hka jaw poi ngut ai hte hpyen shamu shamawt ai lam grau law wa nna gasat gala majan ni mung grau sawng wa na hpe tsang nga ma ai re.

Leave a Reply

Your email address will not be published. Required fields are marked *