2nd lang na Sinlum buga hkalup hpung ramma sharin hpawng galaw

2nd lang na Sinlum buga Ramma sharin hpawng hpe April 14 kaw nna April 17 ya shani du hkra Sinlum buga, Maru mare Daw Hpai deng (25) kaw galaw la lu sai lam na chye lu ai.

Sinlum buga hkalup hpung ramma sharin bawngban hpawng hta KBC a ga baw rai nga ai “Hkalup Makam Hte Nawku Hpung Hta Sadi Dung Let Kaba Rawt Wa Ga” ngu ai ga baw hpe Sara Sumlut Mun Awng sharin nna, “Ramma Hte Kyang Lai Len Myit Masa” ngu ai ga baw hpe Rev. Lahpai Naw San kawn sa du sharin ya ai re hpe chye lu ai.

Chyum laika sharin bawngban hpawng hta Sinlum buga hpung masha ni gaw lai wa sai 2011 kaw na hpyen yen tsin yam hkrum nna ramma ni dumbru dumbra nga mat ai hte buga shagu na ramma ni gahkyin gumdin wa lu na matu, ramma ni a makam masham sha-ngang shakang ya na hte, nang hpam malu masha agung alau kaw na lawt lu na matu ramma ni hpe matut n di sharim hpawng galaw ai re lam Sinlum buga hpung Amu madu Sumlut Mun Awng tsun dan ai.

Ramma sharin hpawng hpe Sinlum buga hkalup hpung ramma komiti ni kawn woi galaw ai hte Ramma marai (66) tup sa du sharin hkam la sai re lam na chye lu ai.

 

Photo; Naw San’ fb

Leave a Reply

Your email address will not be published. Required fields are marked *