Gaw Ningja zinlum komiti sanglang hpawng galaw

Jarit mayan na nchyawn nbyen byin ai ni hpe woi lakawn zinlum nga ai Salum Ni A Salum ngu ai Gaw Ningja zinlum komiti ni a sanglang hpawng hpe May 4 ya shani Hpunlum Yang hpyen yen dabang kaw galaw la lu sai hpe chye lu ai.

Salum Ni A Salum Gaw Ningja sinlum komiti hpaw sa wa ai a majaw “daw hten nga ai nchyawn nbyen ni hpe garum wa mai ai aten lu wa hkra, garum lu ai masha nga wa hkra ladat shaw nna galaw nga ai rai nna gaw ningja ni a bawngring lam ni hkum dingnum byin wa hkra ngu yaw shada ai re” nga nna komiti ningbaw Salang Malang Bawk Naw tsun ai.

Komiti kaw nna tinang myit lawm ai bungli, kan bau hpaji ni hpe mung sara shaga nna sharin ya na masing ni mung galaw nga ai re nga nna Salang Malang Bawk Naw matut tsun ai.

Ndai komiti hpe lai wa sai 2018 July 7 ya shni hpaw hpang wa ai rai nna ya aten Jinghpaw Mung Gaw Ningja hpung ni hte matut mahkai lu nga sai re hte Myen Mung madang hku lu matut mahkai lu na matu mung galaw nga sai re hpe mung chye lu ai.

Leave a Reply

Your email address will not be published. Required fields are marked *