Hpakant, Tawng Kaw mare hta Lungseng tam masha ni ga kaput hkrum

Hpakant, Tawng Kaw mare Sein Lung Lungseng n hkun dingsa kaw May 4 ya shana daw Hkying 4:30 Pm aten daram hta n-gam gyi wa ai majaw masha  marai 1 asak si sum mat nna marai 2 hkala sawng ai lam na chye lu ai.

Ndai Lungseng htu ai shara gaw shara dingsa rai tim company ni naw htu sha nga ai shara re hte ya hkala sawng ai ni gaw company na masha ni rai na masa nga ai, hkala hkrum ai ni hpe Hpakant tsi rung de sa da sai lam dai ginra buga masha langai tsun ai.

Lai wa sai April shata htum maga hta mung Lungseng company ni a hka lawng baw mat ai majaw masha ni  marai 50 si sum mat ai mabyin ni nga lai wa sai re. Ya na zawn Hpakant ginra hta company kaba ni kawn kam ai hku htu chyinglau sha nga ai majaw lamu ga hten za wa ai hta shingra hpyen amyu myu hkrum katut wa  ai re hpe mung na chye lu ai.

Leave a Reply

Your email address will not be published. Required fields are marked *