Loi Mawk mare hte Tung Kyi mare lapran kaw KIA hte Myen Hpyen Dap gasat gala majan byin

KIA Masat (4) Dap Ba, Masat (34) Dap Dung ginra, Mung Myit ginwang Loi Mawk mare hte Tung Kyi mare lapran Nhkum mare dingsa maga de Myen Hpyen Dap Tatma (101) kata na Hk.M.Y (252) hte Hk.M.Y (253) na pawnghpawm hpyen hpung ni shamu shamawt shang wa ai majaw May (8) ya shani hkying (12:20)Pm daram hta KIA hpyen hpung ni hkap shingla gasat dat ai kawn gasat gala byin ai lam na chye lu ai.

Myen Hpyen Dap kawn May praw (1) shani Jinghpaw Mung, Sam Mung ginra (5) hta hpyen shamu shamawt lam shata (2) bai jahkring da na matu nhtoi bai masat jat ai hpang shawng nnan lang Myen Hpyen Dap hte KIA hpyen hpung ni a lapran gasat gala byin ai re. Ya na zawn gasat gala byin ai gaw Myen Hpyen Dap kawn tara shang hpyen shamu shamawt lam jahkring da na matu ndau da ai raitim ta tut hta Amyu sha laknak lang rawt malan hpung ni a ginra ni de matut manoi naw shamu shamawt hkawm nga ai majaw gasat gala ni byin wa ai re nga nna ginra hpyen masa maram masam nga ai ni tsun da ma ai re.

Leave a Reply

Your email address will not be published. Required fields are marked *