Mai Ja Yang Amyu Sha Hpaji Dakkasu (MIEd) lung na jawngma ni hpe hkap la sana

Institute of Education Mai Ja Yang (MIEd) Amyu Sha Dakkasu jawng lung na matu jawngma ni hpe May 13 ya shani kaw na jawngma ni hpe hkap la sana rai nna June 17 kaw na jawng hpaw hpang na re hpe chye lu ai.

Jawngma hkap la ai hta Jawng kaw sa matut mahkai mai ai, Facebook Page kaw ndau na, Magam gun hkau chyap ai ni kaw matut mahkai mai ai, Hpaji rung hkan mung shabra da na re nga nna jawngma hkap la na hta matut mahkai mai ai re.

MIEd hta lai wa sai shaning ni hta Pre College program, Diploma in Education  hte Diploma in TESOL (Teaching of English to Speakers of Other Languages) ni hpe sharin ya nga ai rai nna dai ning bai sharin sa wa na hta gaw Diploma in Chinese TCL ( Teaching Chinese Languages) hpe hpaw sharin jat na re hpe Jawng Up Sara kaba La Raw tsun ai.

Ndai Dakkasu kaw na jawng ngut sai ni hpe Ginjaw Hpaji rung kaw na bungli shawk shawn shang mai ai re hte myit masa, arawn alai htuk manu ai jawngma ni hpe jawng hku nna hpaji hpungjat ya ai lamang ni nga nna Wunpawng sha ni hpaw da ai kaga Institute hkan lu lung na matu matut mahkai ya ai lam ni mung nga ai re hpe chye lu ai.

Leave a Reply

Your email address will not be published. Required fields are marked *