Sara kaba Dr. Ola Hanson a dum nta htingra bai lu la na matu Myen Mung Gumsan Magam hpang de laika tang shawn

Mungmyit Sinli Ga, Nam Hkam mare kaw na Sara kaba Dr. Ola Hanson Jinghpaw Chyum Laika gale shangut ai shara dum nta htinghput htingra gaw lai wa sai aten Asuya ni zing kau ai kaw lawm mat ai majaw dai shara hpe bai lu la na matu KBC Ginjaw kawn Myen Mung Gumsan Magam hpang de hpyi shawn laika mara da ai lam na chye lu ai.

“Ndai htinghput htingra bai lu na lam hte seng nna Ginwang hku mung Rapdaw de, Asuya Hkamja Hkringmang rung de hpyi shawn ai lam ni gaw nga lai wa sai rai tim hpa laklai ai lam n nga ai majaw KBC Ginjaw kawn Gumsan Magam hpang de du hkra tang hpyi ai re. Myen Mung Hkalup hpung Ginjaw kaw nna mung lu hkra shakut sa wa na lam dawdan minute jahkrat da sai re” nga nna Mungmau Gingwang Au madu Rev. Lahpai Zau Ra tsun ai.

“Lai sai ten hta Asuya kawn zing madu kau ai kaw na sasana jawng ni lawm ai re. Ndai zawn re lamu ga ni gaw makam masham hku yu ga nga yang  Karai Kasang a lamu ga re. KBC a matu labau shang lamu ga re majaw lu hkra bai hpyi la ra ai, Gumsan Magam hpang de tang da ai laika hte seng nna mung mahtai kaja hpe jaw lu na re ngu myit mada ai” nga nna Sara kaw na matut tsun dan ai.

Leave a Reply

Your email address will not be published. Required fields are marked *