Je Yang hpyen yen dabang kaw ramma ni hpe num/la hte seng nna chye da ging ai lam ni hpe sharin ya

Je Yang hpyen yen dabang hkalup hpung kawn woi awn n-htawm May 11 ya shani hkawn ji brang ji ma ni hpe asak pang hta chye da ging ai lam ni hpe hpaji jawng ningmu jahpaw lamang galaw la lu sai lam na chye lu ai.

Sharin hpawng hpe jahpawt daw hta num la hte seng ai lam, hkum hkrang san seng lam, tinang hkum tinang madu ai lam ni, kaning re gaw mazut roi rip ai lam re ngu ai hte hkum shan kanawn mazum ai kaw na kap wa mai ai ana ahkya lam ni hpe Saranum Ja Dim Khune kawn sharin ya ai rai nna shana de daw gaw ningrum ningtau lata yang chye da ging ai lam ni hpe Sara Lahpai Naw Seng kaw nna sharin ya ai re.

Hpawng hta Ramma ni yawng marai 300 daram sa du sharin hkam la ai re hte ndai zawn lamang hpe Je Yang hpyen yen dabang hte ramma hpawng chyawm law ai shara law law hta mung galaw sa wa na masing nga ai re hpe chye lu ai.

Leave a Reply

Your email address will not be published. Required fields are marked *