Kawng San mare lawk (4) kaw Ma lagu ai masha ni hpe lu rim

Hpakant Seng Tawng, Kawng San mare lawk (4) kaw May 12 ya shani Ma lagu nna cycle hte htaw wa hkyen ai la langai hpe mare masha ni kawn lu rim la ai lam na chye lu ai.

“Kawng San mare lawk 4 na salang Mawng Mawng She ngu ai wa a kasha asak 4 ning daram re ai Ma gaw nta shawng kaw gasup nga ai aten la langai gaw Lungseng dut mari ai zawn zawn rai nga hkawm nna dai ma hpe cycle hte htaw maw ai aten Ma gaw n kam hkan ai ngu marawn lak ai majaw cycle galau mat nna mare masha ni dai Ma lagut wa hpe lu rim la ai re. Dai lagut hte manang marai (3) mung lawm ai re” nga nna Kawng San mare Salang  Zahkung Zau Lawn tsun ai.

Ya aten lu rim la ai Ma langut ni hpe Hpakant Balik Dap kaw tara shawk shawn da sai re. Shawng de dai ginra hta ndai zawn re ai mabyin ni n nga ga ai rai nna Maw ginra re majaw masha hpan hkum ai, mare kata nga ai kanu kawa ni mung ndai zawn re ai manghakng ni n byin hkra tinang a kashu kasha ni hpe atsawm yu gawn ra ai lam Mare Salang wa tsun ai hpe chye lu ai.

Leave a Reply

Your email address will not be published. Required fields are marked *