Hpakant Seng Tawng kaw ga gyi ru wa nna masha langai asak si sum

Hpakant Seng Tawng, Nam Maw mare maga na Na Ga Min Lungseng nhkun dingsa kaw May 17 ya shani hkying 10:30Am aten daram hta ga gyi ru wa nna Yemase tam masha marai langai asak si sum mat nna marai lahakwng hkala hkrum mat ai lam na chye lu ai.

U Zan La Thein ngu ai wa gaw dai shara kaw nan asak si sum mat nna Maung Lone hte Nay Kyaw Sann gaw hkala sawng ai re. Dai  nhkun dingsa kaw gaw hkrit tsang ra ai, kadai nmai galaw sha ai ngu Pyendau shakap da ai re. Yemase tam nga ai Mung shawa ni gaw company ni htu sha ngut chyalu shara ni hkan sha tam lu tam sha nga ai re hte company ni a shara de sa tam yang mung company sin Balik ni kawn sinat hte gap ai jahkrit ai majaw yak hkak ai lam ni nga ai rai nna company ni kabai da ai shara ni hkan sa tam ai hta ya na zawn re ai manghkang ni byin ai re.

Asak si sum mat ai wa hte hkala hkrum mat ai yan hte seng nna company ni kawn gaw gara hku lit la galaw ai ngu hpe gaw n chye lu shi ai re.

Leave a Reply

Your email address will not be published. Required fields are marked *