Mali Nmai Zup hka kaw masha marai 3 hka lup si

Mali Nmai zup hka kaw sa hkringsa chyai ai masha marai 3 Mya 19 ya shani hkying 10:30Am aten daram hta hka lup si ai lam na chye lu ai.

“Hka lup si mat ai marai 3 gaw lawu ga Irrawaddy ginra kaw na ni rai nna hka nmai shin ai ngu pyendau shakap da ai shara kaw beer loi li lu da let hka hpung yawt ai hpang hka lup si mat ai re” nga nna Mali Nmai Zup hka kaw hkali gau ai Salang Lahtaw Sin Wa Naw tsun ai.

Hka li gau ai ni kawn lim mat ai marai masum hpe dang di dang dep ai daram hkan shachyut tim hka hpungla grai ja ai majaw nhkan dep mat ai re hte moi mang hpe ya ten du hkra garai nmu shi ai nga nna Salang Lahtaw Sin Wa Naw tsun ai kaw na chye lu ai.

Leave a Reply

Your email address will not be published. Required fields are marked *