International Kyuko Shin Karate Ma ni hpe hpaji majat wunkat sharin

International Kyuko Shin Karate hpung ni hpe May (21) ya shani kaw nna (23) ya shani du hkra Myitkina Manu Wang kaw Karate hpaji majat jaw wunkat sharin ya ai lam na chye lu ai.

Ndai Karate hpaji majat jaw wunkat hta Japan kaw na Karate sharin sara kaba ni  sadu sharin ya ai rai nna  Jinghpaw mung YMCA, Hpakant, Shwe Zet, Manghkring, Laiza, Zai Wunpawng Karate Kyoko Shin Clup  na ma ni hte sharin sara ni sa du sharin hkam la ai re.

Yana zawn Japan kaw na Sara ni sa du sharin ya ai majaw sharin hkam la nga ai ma ni hte sharin sara ni a matu a kyu grai nga ai hte matut nna ma ni hpe gara hku woi awn galaw sa wa na lam hpe sharin hkam la lu ai lam Zai Wunpawng Kyukoshin Karate clup lithkam Sara Ying Bawm  tsun ai.

Karate hpaji majat jaw wunkat hpe sharin hkam la nga ai ma ni marai 200 jan re, du wa na May shata (24) ya shani kaw nna (26) ya shani du hkra Yangon kaw bai sharin ya na lam lam na chye lu ai.

Du na July shata hta gaw Miwa Gumsan mung dan, Shanghai myo kaw galaw na karate shingjawng poi hta  Jinghpaw mung YMCA kaw na marai (2), Zai Wunpawng Karate Kyuko shin clup kaw na (2), Myen Mung kaw na (2) sa shingjawng lawm na re hpe chye lu ai.

Leave a Reply

Your email address will not be published. Required fields are marked *