Gwi Hka Mung shawa ni hpyi shawn ai lam hpe company ni lit la galaw ya na lam tsun

Gwi Hka mare kaw company ni gaw Mung shawa ni nga ai makau mayan de Mye Za Ga shingbut ni wa kabai bai re ai majaw Mung shawa dum nta ni gyi lawm na madang du wa nna lam pat n gun madun ai majaw company ni kawn Mung shawa ni hpyi shawn ai hpe hkan shatup ya na lam tsun wa ai re hpe na chye lu ai.

Company ni kawn Mye Za Ga shingbut ni hpe kam ai hku sa kabai ai majaw ga ni gyi wa ai, dai lam hte seng nna company hpe lahkyawk mat ai ga ni hpe bai shara ya na matu Mye Za Ga shingbut hpe kam ai hku kabai ai lam n galaw na matu lang hte lang hpyi shawn ai raitim company kawn hpa n sawn ya ai majaw ya na zawn lam pat n gun madun wa ai re. Mung shawa ni ya na zawn n gun madun wa ai majaw mare salang ni, company ni yawng jawm bawngban nna Mung shawa ni hpyi shawn ai hpe galaw ya na hku rai sai nga mung shawa langai tsun shana wa ai.

Hkapant ginra kaw ndai zawn re ai manghkang ni lai wa sai ten hta mung jahkring hkring byin hkrum nga ai re. Company kawn Jak kaba ni hte kam ai hku htu sha nga ai re majaw mung shawa ni nga ai shara makau hkan sha Mye Za Ga shingput ni kabai da re ai majaw mare masha ni a dum nta ni gyi ru wa na hkyen nga ai hte Lanam ta ndu shi yang aten dep gram lajang ya na matu mung shawa ni hpyi shawn ai re hpe chye lu ai. Hpakant ginra hta ndai zawn re ai manghkang byin hkrum ai shara law law naw nga ai re hpe mung na chye lu ai.

Leave a Reply

Your email address will not be published. Required fields are marked *