Hpakant ginra hta company nkau ni ahkaw ahkang n nga Ja htu sha ai nga

Hpakant ginra kaw Lungseng htu sha nga ai company nkau ni ahkang jaw da ai Lungseng htu bungli hta lai nna kaga nhprang htu shaw ai bungli n galaw lu na matu nhprang tara Upadi nga ai raitim company nkau ni Ja htu, Ja gashin ai lam ni galaw nga ai hpe na chye lu ai.

Hpakant, Lawng Hkang, ျငိမ္းခ်မ္းသာယာ lawk kaw စန္းေတာ္ဝင္ lung seng htu Company gaw Lungseng htu sha ai hta lai Ja htu, Ja gashin ai lam mung galaw ai re majaw lit nga ai Asuya kawn atsawm ahkyak la ai lam galaw ra ai lam buga masha ni tsun nga ma ai re. Company kawn Ja htu ai majaw Uru Hka lani hte lani hkanu wa ai lam, Mare masha ni akyu jashawn jai lang n mai ai madang de du nga sai majaw lit nga ai ni kawn lawan ahkyak la ai lam galaw ra ai lam buga masha langai tsun ai.

Lungseng htu na matu sha ahkang lu ai ni gaw Lungseng htu ai hta lai nna kaga n mai galaw ai, kaga n hprang bai htu sha na nga yang shingra tara makawp maga lam hte seng ai de bai tang shawn nna she galaw ra ai re raitim ya gaw hpa ahkang n-nga ai sha company kawn kam ai hku galaw sha nga ai gaw lit nga ai ni kawn tara nga ai hte maren ahkyak la ra ai, ndai hku n galaw yang hpang de na matu grau grau hkrit tsang hpa tai wa na hpe Mung shawa ni myit tsang nga ma ai re.

Leave a Reply

Your email address will not be published. Required fields are marked *