KHCC hpung hte EU ECHO ni hpyen yen hte seng nna hkrumzup

KBC ningbaw Rev. Dr. Hklam Samsun woi awn ai hpung KHCC ni, EU Myen Mung Lithkam hte EU ECHO garum ningtum hpung Lithkam ni June 5 ya shani KBC Ginjaw Rung kaw hkrumzup ai lam na chye lu ai.

Ndai hpawng hta KHCC ningbaw Rev. Dr. Hkalam Samson, N/T Amu madu (I) Wajau Noel Nawng Lat, N/T amu madu (III) Sara Hpauyam Hka Li, Mrs. Clemetina Cantoni (ECHO, Head Office Yangon, Mrs. Eszter Neheth Counsellor, Mrs Pedro Campo LLOPIS, Mrs Win Win Thein ni shanglawm bawngban ai re hpe chye lu ai.

Hkrumzup hpawng hta hpyen yen garum ningtum lam hte tinang buga de bai wa na lam hta Mungkan Garum Ningtum hpung ni shanglawm garum lu na lam hte hpyen yen ni shimlum lam nga nga hte buga de wa lu na matu lam tam shakut na lam hpyen yen ni ra kadawn nga ai lam ni hpe ndut ndang garum lu na matu ladat shaw na lam ni hte seng nna hkrum shaga ai re lam na chye lu ai.

EU ECHO hpung ni gaw 2011 hpyen yen n nan yen hpang ai ten kaw nna hpyen yen garum ningtum ai lam hta shakut nga ai hpung re. KHCC hte kaga hpyen yen garum ningtum uhpung uhpawng ni mung hpyen yen ni buga de wa lu na lam hte seng nna lam tam shakut nga dingyang re. Hpyen yen ni buga de shimlam nga nga hte wa lu na matu Myen Asuya Salang ni hte KHCC ningbaw ningla ni hkruzup bawngban ai lam ni nga lai wa sai re hpe mung chye lu ai.

Leave a Reply

Your email address will not be published. Required fields are marked *