Awng Me Tit (ေအာင္ေျမ ၁) Ban Sa Zi-un mare kaw lahta tsang jawng hpaw

Waingmaw, Awng Me Tit Ban Sa Ziun Buga kaw Asuya Lahta Tsang Jawng hpaw  hpawng hpe June (6) ya shani Jinghpaw Mungdaw Hpaji Du, Hkayai (ခရိုင္) Hpaji Du, Myune (ျမိဳ႕နယ္) Hpaji Du hte Uphkang Salang ni sa du nhtawm mare kata rau jawm nga ai makam masham hpung KBC, RC, LBC, Lisu Hkalup Hpung hte Emaneul Lisu Nawku Hpung kaw na Hpung Woi Sara ni kyuhpyi shaman ai hte galaw la lu sai lam chye lu ai.

“Awng Me Tit (ေအာင္ေျမ ၁) mare kaw Lahta Tsang Jawng hpaw lu na matu buga Kanu Kawa ni kawn myit hkrum ai hte Jawng Komiti kawn lai wa sai 2 ning kaw na Ginwang Hpaji Rung de laika bang hpyi shawn ai lam galaw ai rai nna ndai zawn hpyi shawn ai lam gaw tinang buga kaw na kashu kasha ni Jawng lung jarit hkyem sa ai hte hpaji hpe lu hkaja la na matu yaw shada ai re” nga nna Jawng Komiti Salang langai tsun ai.

2019-2020 hpaji ladaw hta Awng Me Tit (ေအာင္ေျမ ၁) Lahta Tsang Jawng kaw hpaji sharin hkam la sa wa na jawngma yawng marai (1000) mi jan nga ai hta Tsang 10 jawng ma marai 40 jan nga ai re hpe mung na chye lu ai.

Leave a Reply

Your email address will not be published. Required fields are marked *