Wunpawng Amyu Sha Mungbawng Rapdaw Kaw Magam Gun Nnan Galai

Wunpawng Amyu Sha Mungbawng Rapdaw a Mu gun ladaw nnan hta magam gun sa wa na Salang ni hpe June 5-6ya laman galaw ai WMR Hkumra zuphpawng kaw lata shagrin la lu sai lam chye lu ai.
Magam gun nnan ni hpe WMR hkumra hpawng sa ai ginra shagu na WMR Salang ni kawn 2019 – 2023 ning laman magam gun sa wa na matu lata san ai rai nhtawm, WMR Rapdaw ningbaw magam lit hpe Tara Kasa Lashi La kaw nna lit la gunhpai sa wa na re lam, chye lu ai.
Magam gun ap ya ap la ai lamang hpe du na June (19)ya shani galaw sa wa na rai nhtawm, Magam gun ladaw nnan hta WMR kawn madung galaw nga ai Myu Sha Kahkyin Gum din lam hpe ningshawn jaw nna galaw gun hpai sa wa na lam nga ai hpe WMR magam gun ladaw nnan a Amu madu Salang Zau Jat tsun ai.
June 5-6 ya laman galaw ai WMR Rapdaw zup hpawng hta  (4) Lang na WMR mu gun Salang ni a EC hpawng hpe mung galaw ai rai nna Ginra shagu na Salang ni kawn sumtang ni hpe tang madun  hta ginra law malawng Lamu ga manghkang byin ai law nga ai majaw ndai lam hte seng nna mung Mu Gun ladaw nnan hta ahkyak la galaw sa wa na re lam WMR Amu madu Salang Zau Jat sang lang dan ai kaw  chye lu ai.
Hpawng hta Putao Ginra hte Sumpra Bum Ginra na WMR Salang ni gaw hkrunlam mayak a majaw nlu sa du ai lam nga ai raitim ngam ai Ginra 20 jan na WMR Salang ni marai (230) jan sa du shanglawm bawngban ai lam nga ai hpe chye lu ai.

 

Leave a Reply

Your email address will not be published. Required fields are marked *