Hpyen Yen Tsinyam Hkrum ai (8) Ning Masat N gun La Akyu Hpawng Galaw

Wunpawng amyu sha ni Hpyen Yen tsinyam hkrum ai (8) ning masat n-gun la akyu hpyi hpawng hpe Kachin Youth Moment kawn woi awn nhtawm June shata (8) ya shani hkying (9:00Am) aten Myitkyina manau wang kaw galaw ai re lam chye lu ai.
June shata 9 ya shani gaw Hpyen yen tsinyam hkrum ai (8) ning hpring ai nhtoi raitim laban nhtoi ang taw ai majaw June (8) ya shani galaw ai re lam, hpyen yen tsinyam hkrum ai mungchying masha ni a mayak ni hpe seng ang ai Asuya ni chye ya nna tatut hparan hpareng ai lam ni hta tang du ai hku na galaw ya na matu yaw shada let shawa hpawng chyawm akyu hpyi lamang galaw ai re lam shabyin shatai komiti ningbaw Lasha Pawl Lu tsun ai.
Laklai ai lamang hku nna kyu hpyi hpawng lamang lapran kaw hpyen yen ma ni a stage performance hte June 9 ya shani hta mung masha law ai kaw modo lam ni kaw mung galaw sa wa na lamang ni hpe Lasha Pawl Lu matut tsun ai .  Ndai hpawng lamang hta kanu kawa daw hpum daw nu tai ya na matu WMR,PCG ,nawku makam masham hpung woi Sara ni sa du  shanglawm ai hte dai ning gaw Hpyen Yen ramma ,nawku hpung ramma ni shanglawm let madung lit la na galaw ai rai nna ndai hpawng lamang hta masha n-gun 2000 jan sa du shanglawm ai re lam  chye lu ai.

Leave a Reply

Your email address will not be published. Required fields are marked *