Sinpraw Majoi Htunghking Shing Ni Ka Manawt Hpung Hpaw Sharin Sa Wa Na Lam

Laiza Muklum, Sinpraw majoi gawknu kaw Htunghking shingni ka manawt hpung hpaw sharin hpawng hpe 2019August 2 ya shani kaw nna, Wunpawng amyu sha ni Htunghking, labau laroi, yu ngwi,madum sumhpa ni hpe madang hta hkan nna ningpawt ninghpang htunghking hpe mung n shamat,prat dep lam mung gyin shalat ngu ai lashum ga hte sharin sa wa na re lam chye lu ai.

Amyu sha ni a Htunghking, Labau, ka manawt, Madum sumhpa, yu ngwi, Ta hpaji maka, Galaw lu galaw sha lam, Shingni hpaji  ni grin nga lu na matu sharin gin len ya ai lam, Sawk sagawn, hkaja, mazing kyem da ai htinghking ni hpe prat hta hkan nna shalat shatsam ai hte mungkan hta dan dawng ngang grin wa lu na matu, Kaga shingni Uhpung Uhpawng ni hte mung ta gindun galaw sa wa na hte Mungkan prat lahkam dep wa lu na matu hkrung grin ai hte Mungkan hta dan dawng ai htunghking shingni hpung langai byin tai wa lu na matu madung yaw shada let hpaw ai re lam chye lu ai.

N dai sharin hpawng hpe July(29) ya shani du hkra hpang jahtum tawn let mying jahpan hkap la na rai nhtawm La marai(20),Num marai(20)sha hkap la na re lam, Asak 16 ning kaw na 20 ning lapran na rai ra na, shaingni hpe myit lawm ai wa rai ra na lam, Htunghking lam hte seng ai chye ging chye mai ai lam yawng hpe sharin ya na re lam chye lu ai.

Leave a Reply

Your email address will not be published. Required fields are marked *