Street Perfomance woi awn galaw ai ningbaw yan hpe ျငိမ္းစုစီ ပုဒ္မ ၁၉ hte tara amu hpaw da

Hpyen yen tsin yam hkrum ai (8) ning hpring masat nhtoi shani Myitkyina Muklum kaw Street Perfomance hku galaw ai hta woi awn galaw ai ningbaw yan hpe Myen Asuya Balik ni kawn ျငိမ္းစုစီ ပုဒ္မ ၁၉ hte tara amu hpaw da ai lam na chye lu ai.

“Lamang hpe seng ang ai  Asuya a matsun aming hte maren galaw ai raitim ျငိမ္းစုစီ ပုဒ္မ ၁၉ hte tara shawk shawn ai majaw Asuya ni hpe mung shawa ni hku nna ga san san mayu ai, Democracy Mungdan nga nna tsun taw ai Mungdan kaw Democracy ngu hpe nra sharawng ai zawn galaw taw ai lam dan dawng wa ai. ျငိမ္းစုစီ hte tara n mai jewat ai hpe tara amu hpaw ai gaw Mung shawa ni hpe da sang jahte tam ai re ngu na hkam sha ai” nga nna tara amu hpaw ai a ntsa Shayi Seng Nu Pan tsun ai.

June 9 ya shani hpyen yen tsin yam hkrum nga ai Wunpawng amyu sha ni a hkam sha lam hpe htawng madun ai lamang Street Performance hku nna woi awn ai Shadang Pawlu hte Shayi Seng Nu Pan yan hpe tara ra Myint Thant Zaw (ျမင့္သန့္)ေဇာ္ kawn tara amu shawk shawn da ai re hte du wa na June 19 ya shani tara jep joi sa wa na re hpe chye lu ai.

Photo; Kachin Youth Movement

Leave a Reply

Your email address will not be published. Required fields are marked *