Jinghpaw mung ginra nkau hta without madaw hte htaw wa htaw sa galaw sha nga ai mawdaw ni hpe ahkyak la na lam Rapdaw zuphpawng hta tsun

Jinghpaw Mung kata Myitkyina, Manmaw, Danai hte Hpakant ni hta mawdaw gau sha ai without mawdaw ni hpe Asuya kawn rim ahkyak la sa wa na re lam 15 lang na Jinghpaw Mung Rapdaw zuphpawng hta Jinnghpaw Mung hkrunlam hte seng ai hkringmang (လမ္းပန္းဆက္သြယ္ေရး ဝန္ၾကီး) Salang U Win Nyut kawn zup hpawng hta tsun wa ai re.

Rapdaw zuphpawng hta Jinghpaw Mung kaw without mawdaw ni hpe rim a hkyak la na lam nga n nga ngu  ga san san wa ai hta ndai lam hte seng nna Asuya license galaw ai (က.ည.န) rung ni, up hkang rung ni, hkrunlam gawnhkang rung ni yawng ta gindun nna jep ahkyak la ai lam galaw na re  nga nna Jinghpaw Mung hkrunlam hte seng ai hkringmang Salang tsun wa ai re hpe chye lu ai.

Jinghpaw mung kata na mawdaw gau sha ai ni a line mawdaw, mungshawa jawn ai mawdaw ni gaw without(လိုင္စင္မဲ့) mawdaw hkrai law malawng re,asuya ni nan wihtout(လိုင္စင္မဲ့) mawdaw hpe shang ahkang jaw da ai majaw manu hkyem sa ai wihtout mawdaw ni hpe mung shawa ni gaw mari jawn taw ai rai nna without madaw ni hpe rim ahkyak la na ngu ai ntara ai bungli re ngu mu mada ai lam mung shawa langai tsun ai.

Jinghpaw Mung kata gau sha nga ai mawdaw tsa hta shadang 95 gaw without (လိုင္စင္မဲ့) mawdaw hkrai re majaw hpun (က် ြန္းသစ္) htaw shalai ai lam, Lungseng htaw shalai ai lam, nanghpam htaw ginlen ai lam ni law wa ai hte accident manghkang ni byin ai hta madu n mu ai mawdaw ni law wa ai hpe mu mda ai majaw Jinghpaw Mung  Myitkyina, Manmaw, Hpakant hte Danai ginra ni hta gau nga ai without mawdaw ni hpe rim ahkyak la na matu galaw wa ai re lam Rapdaw dat kasa madi madun da ai lam shiga ni hta tang madun da ai kaw na chye lu ai.

Leave a Reply

Your email address will not be published. Required fields are marked *