Without mawdaw hte bu hkawm masha htaw ai mawdaw ni hpe rim hpang nga sai

Myitkyina, Danai, Manmaw hkrunlam ni hta Without mawdaw hte bu hkawm masha htaw nga ai mawdaw ni hpe rim ahkyak la na matu Asuya Rapdaw hta dawdan ai hpang ndai magam bungli hpe June17 ya shani kaw nna Myitkyina Deng 21 shagyit kaw rim hpang nga sai lam na chye lu ai.

Jep ai aten Lisecne n lu ai mawdaw ni hpe gaw zing kau na rai nna gau ai masha wa hpe gaw htaw wa htaw sa hte seng ai Upadi Pukma 8 hte amu hpaw na re. Pukma hku amu hparan yang htawng dam 3 ning hkrat na hte gumhpraw dam ni mai shawa ai lam Ginra Balik ni tsun da ai re hpe chye lu ai. Asuya maga kawn ya na zawn Without maw daw ni hpe rim zing ai lam gaw Asuya hpang de ahkun hkanse jaw nna htaw sha nga ai mawdaw la ni a matu sum machyi ai lam byin ai majaw n dai masing galaw wa ai re nga nna Ginra Balik ni shiga dap ni de tsun da ai kaw na chye lu ai.

Without mawdaw hte bu hkawm masha htaw nga ai mawdaw ni hpe rim ahkyak la na matu June 11 ya shani galaw ai 15 lang na Jinghpaw Mungdaw Rapdaw zuphpawng hta Hkrunlam Tut Hkai Hkringmang Salang wa kawn shagrin da ai re hpe chye lu ai.

Photo; The Kachin Times

Leave a Reply

Your email address will not be published. Required fields are marked *