Manmaw ginwang Nalai mare kaw na hpawmi langai sat hkrum

Manmaw Ginwang, Hkuli hte Nalai mare lapran na nam shing nawm kaw June 17 ya shani  Mati, Kamu tam hkawm ai asak 60 jan re ai hpawmi Langzing Kai myi man kaw n htu kahtam hkang hte si taw ai lam na chye lu ai.

Dai hpawmi gaw Nalai kaw nga ai rai nna shawoi gaw mare na manang ni hte shat mai tam hkawm ai lam ni nga ai re, mani gaw shi hkai nam de sa mat wa ai hpe mare masha ni mu dat ai nga nna tsun ma ai. Shi gaw kasha lahkawn a kanu rai nna lai wa sai shaning shi a ningrum ningtau wa mung si wai mat sai re hpe chye lu ai.

Ndai manghkang hte seng nna kadai ni galaw ai lam tup hkrak n chye lu shi ai hte mazut roi rip adup sat ai re n re hpe mung chye lu na matu shi a moimang hpe Manmaw Tsi Rung kaba hta jep joi sa wa na re lam mare Salang ni hte Myen Balik ni jep joi nga dingyang naw re lam Hkuli  mare Salang Myitung Paw Tar tsun ai.

Jinghpaw Mung kata ndai zawn sat hkrum, mazut roi rip hkrum ai lam ni lai wa sai ten mung jahkring hkring byin lai wa sai rai tim mahtai kaja n lu ai mabyin ni law law nga lai wa sai re hpe mung chye lu ai.

Leave a Reply

Your email address will not be published. Required fields are marked *