Street Performance woi awn ai ningbaw yan hpe tara amu jep joi hpang

Hpyen yen tsin-yam hkrum ai (8) ning hpring masat nhtoi shani Myitkyina Muklum kaw Street Perfomance hku nna woi awn galaw ai ningbaw Shadang Paw Lu hte Shayi Seng Nu Pan yan hpe Myen Asuya Balik Du Min Thant Zaw kawn ျငိမ္းစုစီ ပုဒ္မ ၁၉ hte tara amu hpaw da ai rai nna June 19 ya shani kaw nna amu jep joi hpang sai lam na chye lu ai.
ျငိမ္းစုစီ mara na matu ျမိဳ႕နယ္မွဴး hpe wa tsun jahkrup ai shaloi ပြဲမိန္႔ hku sha mara mu ngu tsun ai rai nna ndai lawnglam ni chye ai i? ngu tara ra Balik Du hpe san ai shaloi shi nchye ai lam ningdang da ai re. Hpyen yen ramma ni hku nna lahta na matsun hte maren galaw ai raitim Balik Du kawn tara amu hpaw ai re hpe na chye lu ai.
Mungdan a ningbaw ningla ahkaw ahkang nga ai ni shangai ninghtoi zawn re galaw ai rai yang ahkang hpyi na galaw ma ai kun ngu Ramma ni hku nna Balik Du hpe san ai shaloi ndai gaw Mungdan kawn tara shang masat da ai nhtoi re majaw ahkang nhpyi ra ai ngu tsun ai. Mungdan Asuya ngu gaw shanhte kam ai hku galaw na ahkaw ahkang nga ai kun? Mung shawa ni mung Mungdan masha ni nrai kun? Mung shawa ni hku nna hpa nmai galaw ai rai kun? shamu shamawt lam galaw wa yang mung tara hte bai jewat ai lam gaw Democracy masa hku nrai wa ai hpe amu hte seng nna Shayi Seng Nu Pan tsun ai.
Simsa ai ladat hte hpyen-yen Mung shawa ni a hkam sha lam hpe htawng madun ai re. Kadai hpe mung hkra machyi hkra n galaw ai raitim tara amu jep joi ai majaw hpyen yen Mung shawa ni yawng myit npyaw nga ma ai re. Amu hpe June 26 ya shani kalang bai tara ra maga na ni hpe jep joi sa wa na re hpe chye lu ai.

Leave a Reply

Your email address will not be published. Required fields are marked *